Actualidade

Os xardíns de Noriega Varela en Viveiro acollen unha nova edición da feira do libro. Nove casetas, presentacións, obradoiros e moitas actividades máis forman parte do evento, que se desenvolve ata o día 18.

Entre as citas máis destacadas figuran a presentación de 'Matar o heroe', de Adolfo Caamaño, gañador do premio de novela en galego Vilar Ponte. Será o 17, ás oito da tarde.

No transcurso da feira tamén haberá presentacións animadas por música, contacontos, firmas de libros e presentacións, como as do arquitecto Gerardo Ayala, de David Val, Paco Rivas, Emma Pedreira ou Irene Rega e os nenos teñen a súa disposición a biblioteca.

O venres 16, a partir das 12, María Soliño presentará a súa obra 'Cuando deje de llover', na caseta de Porta da Vila. Preséntanse tamén os 'Programas a mano' de Gerardo Ayala, Anxo Moure narrará os 'Contos para coida a Terra' e ao caer a tarde, Eli Ríos dará a coñecer o seu 'Remexido de patacas' xunto a Emma Pedreira con 'Belén López'. A cita do día culmina co traballo de Paco Rivas.

O sábado 17, entre as 12 e as 21 horas, a feira acollerá, entre outras, a presentación de obras coma a da ribadense Celia Castro, 'Pintura y fotografía en el siglo XIX', na caseta da libraría Cortizas, outras como 'La sonrisa eterna' de Juan José Prieto, na Porta da Vila ou a publicación 'Bailando sobre o parqué' de Óscar Quant.

O domingo haberá ás 13 horas un concerto de Luís Vallecillo, sinatura de libros a cargo da autora Rocío López e a presentación de 'Á sombra de María Silgar. Carvalho Calero contra a historia única', de Xulio Pardo de Neyra.