As festas patronais de Ribadeo chegaron á residencia de maiores e ao centro de día
As festas patronais chegaron á residencia de maiores e ao centro de día. Os Cabezudos e as gaitas amenizaron a cita, que culminou compartindo un chocolate con churros.
A concelleira de Benestar Social, Elena Sierra, contou que “os nosos maiores da residencia municipal e o centro de día celebraron o seu día nas festas patronais de Ribadeo”.
A edil relatou que “os Cabezudos, acompañados do cuarteto de gaitas Illa Pancha encheron de música, baile e risas ambos os centros nos que os nosos maiores non dubidaron nin por un momento en acompañalos con algún que outro baile”.
Sierra engadiu que “para acabar a xornada que mellor que facelo da maneira máis doce, que non é outra que a de tomar todos xuntos un chocolate con churros, desexando que eles como nós pasasen un momento dos máis agradable”.
