As entradas para o II Concerto Benéfico da Asociación Esperanza de Burela xa están á venda
A Asociación Esperanza de Burela anuncia con ilusión que a partir do luns 20 de xaneiro estarán dispoñibles as entradas para o II Concerto Benéfico polo Día Mundial da Loita contra o Cáncro, que se celebrará o 8 de febreiro na Casa da Cultura de Burela. O prezo é de 5 euros, e poderanse adquirir en establecementos locais de ACIA, Cinza, El y Ella Joven, Pastelería Méndez (Ferreira) ou a través da asociación. Todo o recadado será destinado á investigación contra o cancro, promovendo esperanza e vida.
Agradecen profundamente o apoio de socios, colaboradores e veciños, fundamentais para a organización do evento. Estes esforzos colectivos teñen como obxectivo impulsar a investigación, un pilar clave na loita contra esta enfermidade. Investigación é vida, e cada contribución, por pequena que sexa, é un paso máis cara á esperanza.