As crianzas de Xove poderán gozar das 'Mañás activas polo Nadal'

Con múltiples actividades como un taller de cociña creativa ou un obradoiro artístico

A Concellería de xuventude do Concello de Xove organiza a iniciativa 'Mañás activas por Nadal' para os nenos e nenas a partir de 5º de primaria. Terán lugar os días 23, 26, 27 e 30 de decembro e 2 e 3 de xaneiro en horario de 10.30 horas a 13. 30 horas no Centro Xuvenil.

Entre as actividades están obradoiros de personalización, xogos de estratexia, obradoiro tecnolóxico, taller de cociña creativa, obradoiro artístico e a festa de peche.

Poderán inscribirse na OMIX ata o 20 de decembro porque hai prazas limitadas e para máis información contactar co 982 571 816.