Aprazado por segunda vez o descenso de carrilanas previsto para o mes de setembro
![aprazado descenso carrilanas alfoz 2022 1](https://amarinaxa.com/wp-content/uploads/2022/09/aprazado-descenso-carrilanas-alfoz-2022-1.jpg)
A Asociación Cultural e Xuvenil O Castelo anunciou o aprazamento do II Descenso de Carrilanas de Alfoz que se ía celebrar o sábado 17 de setembro.
“Por causas de forza maior vémonos na obriga de aprazar a celebración do descenso”, comunicaron nas redes, “anunciaremos nos próximos días a nova data acordada para celebralas”. Tras uns días confirmaron que volvería celebrarse o 8 de outubro, pero volveuse a cancelar.
A actividade está organizada pola Asociación Cultural e Xuvenil O Castelo, un club formado por veciños e amigos de Alfoz e esta celebración ten o dobre obxectivo de reivindicar esta práctica e ao mesmo tempo traer turismo á zona e axudas aos negocios.
A provincia de Lugo xa conta con varias probas en diferentes concellos, como no de Meira, que chega a terceira proba, Abadín, que acollerá a XIX edición do seu famoso descenso, e A Pontenova, Alfoz e Ribeira de Piquín que serían as segundas edicións.
![aprazado descenso carrilanas alfoz 2022](https://amarinaxa.com/wp-content/uploads/thumbs/2022/09/aprazado-descenso-carrilanas-alfoz-2022-200x237.jpg)