Aprazada a charla médica do ciclo organizado polo Concello de Foz para este mércores
AMariñaXa
O Concello de Foz inicia este mércores, día 9, unha nova edición do ciclo de charlas médicas. Serán todos os mércores de novembro
14 Nov 2023
A charla médica do ciclo organizado polo Concello de Foz que estaba prevista para este mércores 15 -sobre a próstata, a cargo do urólogo Marco Antonio García Expósito- aprázase para o día 29 deste mes co mesmo horario e lugar: ás 20 horas na Casa da Cultura. Anunciouno a concelleira de Sanidade, Kathy Navarro.
Dentro deste ciclo para o mércores 22 está programada a charla do psiquiatra Diego Gonzalez Peña, que falará sobre A saúde mental na actualidade.
A concelleira de Sanidade, Comercio e Turismo, Kathy Navarro, agradece a colaboración e disposición do Hospital público da Mariña “por facer posible estas charlas, que achegan coñecemento aos veciños; e tamén aos relatores, por toda a labor que están a facer”.