Apaga organiza tres cursos de soldadura en febreiro

A vindeira fin de semana arrinca a programación formativa de Apaga para este 2023. Será cun curso de soldadura con electrodo

A Asociación de Profesores de Automoción de Galicia organiza tres cursos de soldadura en Ribadeo durante este mes de febreiro. Realizaranse durante as fins de semana. Estarán dedicados a soldadura de eléctrodo revestido, soldadura Mig/Mag e soldadura Tig.

O presidente de Apaga, Álvaro Doural, anuncia que promoven estas tres actividades formativas “ante a importante demanda de soldadores por partes de varias empresas”.

Os interesados en participar nestes cursos poden contactar con Apaga a través do teléfono 639 884 945 ou do correo electrónico apagaribadeo@gmail.com.