A presentación oficial de Herminia Pernas como cronista de Burela será o 17
![casa concello burela](https://amarinaxa.com/wp-content/uploads/2021/02/casa-concello-burela.jpg)
O vindeiro 17 de setembro terá lugar o acto de presentación oficial da cronista de Burela, Herminia Pernas. Será ás 19 horas na Casa da Cultura.
O alcalde, Alfredo Llano, explicou que “nese acto haberá discursos da propia cronista, do concelleiro de Cultura, de min mesmo como alcalde, e dalgunha outra persoa mais. Os flocos imos ultimalos estes días. Estamos analizando a posibilidade de convidar aos cronistas da comarca, pero este punto aínda está por decidir”.
O rexedor engadiu que “a acto estará adaptado ás medidas covid en vigor nese momento, haberá que estar con máscara, empregar hidroxel para a desinfección das mans, distancia social, etc… as butacas que poderemos ocupar roldarán as duascentas”.
Llano dixo que “a principios da vindeira semana agardamos ter perfilado a totalidade do acto que desenvolveremos o venres na Casa da Cultura”.
A Corporación Municipal de Burela aprobou por unanimidade o nomeamento de Herminia Pernas, como cronista oficial, nun pleno celebrado a finais de setembro do pasado ano.