Alfoz segue en marzo co Ciclo de Cine

Alfoz segue durante este mes de marzo co Ciclo de Cine que estará adicado á muller.

Así o sábado 7 proxectarase a película Figuras ocultas e o domingo 8 ¡Canta!. Os pases serán no Salón de Actos da Casa da Cultura ás 20.00 horas e a entrada é gratuíta.

Figuras ocultas narra a historia real nunca contada de tres brillantes mulleres científicas afroamericanas que traballaron na NASA a principios dos anos 60, en plena carreira espacial e ao mesmo tempo na metade da loita polos dereitos civís. Todos os públicos.

A película ¡Canta! e de animación e desenvolve nun mundo coma o noso pero poblado de animais. Un grupo variopinto de personaxes participa nun concurso musical co que intentan cambiar a súa vida. Chea de humor e música de calidade. Público infantil.