Alfoz conta con múltiples actividades programadas para todo decembro
Chega o mes de decembro cunha ampla e variada planificación de actividades programadas dende a área de Cultura do Concello do Alfoz.
O día 14 ás 19.00 horas no salón de actos, terán unha xornada para os máis pequenos e as súas familias, coa representación teatral e musical de "O apalpador e as palabras perdidas", con agasallos para todos os nenos e nenas asistentes, ao acabar a función farase entrega dos premios do XXII Concurso de postais de Nadal.
O día 21 haberá un concerto de Nadal da Banda de Música Pascual Veiga de Mondoñedo, este será ás 19.30 horas no Salón de Actos.
As tardes do 27 e 28 de decembro, rematarán o ano de xeito moi divertido, inchables, pintacaras, xogos de nadal...e moita sorpresas divertidas máis dende as 17.30 ata as 20.30 no pavillón municipal de Alfoz.
E o día 29 acabamos o mes de decembro cos nenos e nenas da Banda de Música Mestre López, da Escola de Música do Valadouro, que nos farán un bonito e emotivo concerto de fin de ano. Todo de balde, polo que animan a participar!