Cultura

Terá lugar no salón de actos da Casa da Cultura

O vindeiro sábado, 21 de decembro, Alfoz será o escenario dun evento musical especial para celebrar o Nadal. Ás 19.30 horas, o salón de actos da Casa da Cultura acollerá o Concerto de Nadal a cargo da Banda de Música Pascual Veiga de Mondoñedo.

Unha oportunidade para desfrutar dunha tarde chea de música e espírito festivo, nunha cita pensada para todas as idades. O Concello de Alfoz anima a toda a veciñanza a participar deste evento cultural e a gozar da música da prestixiosa banda mindoniense.