Acia Foz CCA sortea 500 euros en vales de compra na campaña do Día do Pai
Acia Foz CCA pon en marcha unha nova campaña comercial con motivo do Día do Pai, que se desenvolverá entre o 10 e o 19 de marzo. Durante este período, aquelas persoas que realicen compras por un importe superior a 10 euros nos establecementos adheridos ao CCA recibirán papeletas para participar no sorteo de 500 euros en vales de compra.
O presidente de Acia Foz CCA, José Carlos Paleo, anunciou que o sorteo terá lugar o 24 de marzo en Radio Foz e que se repartirán cinco premios de 100 euros cada un. Paleo destacou que esta iniciativa busca premiar a fidelidade da clientela local e animar as compras no pequeno comercio da vila, onde se poden atopar todo tipo de agasallos para celebrar esta data especial.
"Queremos que os veciños e visitantes sigan apostando polo comercio de Foz, onde atoparán os mellores detalles para os pais, os Pepes e as Pepitas. E, por suposto, despois toca celebralo, como se merece, na nosa hostalería, en familia e cos amigos", engadiu Paleo.