O Departamento de Muller e Igualdade do Concello de Xove abre o prazo de inscrición para o XIII Encontro de Palilleiras "Coas nosas mans", que terá lugar o vindeiro 5 de outubro. A convocatoria estará aberta ata o 30 de setembro, permitindo a participación tanto de asociacións de palilleiras como de vendedores e vendedoras interesados en montar un posto de venda durante o evento.
As persoas interesadas en participar como vendedores deben cubrir a solicitude dispoñible na páxina web oficial do Concello de Xove e enviala ao correo electrónico encontrapalilleiras@xove.es. Pola súa banda, as palilleiras que desexen participar no encontro poderán inscribirse cubrindo a solicitude dispoñible na web do Concello ou chamando ao número de teléfono 982 592 001. O prazo para ambas inscricións finalizará o 30 de setembro. Este encontro anual en Xove converteuse nunha cita clave para as palilleiras, onde comparten técnicas e mostran o seu traballo artesanal, fomentando así a preservación desta tradición tan arraigada na cultura galega.
