Abre a convocatoria para un curso de monitor de tempo libre en Cervo
O Concello de Cervo vén de abrir a convocatoria para un curso de monitor de tempo libre que se enmarca no programa Avívate en Cervo VI, dirixido a rapaces e rapazas maiores de 18 anos.
O curso, que é de balde, tivo unha gran acollida en anteriores edicións, tal e como apunta a alcaldesa Dolores García Caramés, polo que apostamos por seguir ofrecéndolle á nosa mocidade esta ferramenta formativa “que contribúe a dotalos da motivación e das habilidades precisas para o seu futuro, co obxectivo de contribuír a mellorar a súa empregabilidade nun mercado laboral cada vez máis competitivo”.
As persoas interesadas en participar deberán cubrir as inscricións dispoñibles na Casa da Cultura e entregalas antes do 18 de xuño, na Concello o una propia Casa da Cultura.
O curso comezará o 3 de xullo e prolongarase ata o 18 de agosto; será en horario de 9.00 a 15.00 horas.
