A XVI Festa do Lacón chega a Xove da man da Asociación Cultural Saiñas

Nun evento que ademais da degustación contará con sorteos, música en directo e karaoke

A Asociación Cultural Saiñas Xove  organiza unha nova edición da súa emblemática Festa do Lacón, que celebra xa a súa XVI edición. O evento terá lugar o 8 de febreiro no Pavillón Municipal do Concello de Xove, a partir das 20.30 horas.

O lacón será o auténtico protagonista desta celebración, ofrecendo aos asistentes a oportunidade de degustar un dos pratos máis representativos da gastronomía galega. A velada estará animada con música en directo, karaoke e sorteos.

Os tickets, xa dispoñibles, están a 10 euros e inclúen sopa, lacón, pataca, chourizo, pan, bebida, sobremesas variadas e chocolatada.