A XI Carreira das Praias bateu récords de asistencia con 400 participantes
O circuíto de carreiras populares +KmsBarreiros segue a medrar e a consolidarse como un referente nas carreiras populares da Mariña, Lugo e occidente Asturiano.
A segunda proba do calendario, a XI Carreira das Praias, celebrouse o pasado domingo na praia de Coto e acadou unha cifra de participación récord con 400 persoas entre a andaina, as carreiras de menores e a proba absoluta.
A proba foi organizada pola Asociación Cultural e Deportiva Praias de Comado e contou coa colaboración do Concello de Barreiros, a Vicepresidencia da Deputación Provincial de Lugo, a Secretaría Xeral para o deporte da Xunta de Galicia, da Peña Barcelonista San Miguel e da Agrupación de Voluntarios de Protección Civil de Barreiros.
Dani García, concelleiro de dinamización e participación veciñal, destacou a excelente acollida que están a ter as probas do circuíto. “A participación foi moi boa e é unha clara mostra de que o deporte popular e a posta en valor do noso entorno natural van da man. O circuíto de +KmsBarreiros estase consolidando coma unha ferramenta que nos permite promover hábitos saudables ao tempo que damos a coñecer espazos fermosos de Barreiros que fomentan o turismo desestacionalizado”.
Logo de terse disputadas 2 das 6 probas que ten o circuíto, as clasificacións amósanse moi igualadas polo que a emoción aumenta para a seguinte carreira que será a 1/2Km Vertical Monte Comado. Unha proba, cun percorrido de 4 km e un desnivel positivo de 500 metros, é das máis singulares e ofrece unhas vistas espectaculares da rasa costeira que non deixan indiferente a ninguén.
Clasificación xeral da Carreira das Praias:
Feminina:
- Lourdes López Villar
- Mónica Cabanela Ramudo
- María García Gómez
Masculina:
- Alberto Arias Freije
- Alfonso Rodríguez González
- Jonathan Fernández Ríos
Clasificación xeral do circuíto:
Feminina:
- Lourdes López Villar – 500 Puntos
- Mónica Cabanela Ramudo – 425 Puntos
- Miriam Folgueira Rico – 360 Puntos
Masculina:
- Álvaro Pico Fernández – 354 Puntos
- David Manuel Martínez Rodil – 354 Puntos
- Oscar Murado – 348 Puntos