A viveirense Maruja Mallo xa conta co seu selo en Correos
![presentacion selo maruja mallo viveiro 2023 1](https://amarinaxa.com/wp-content/uploads/2023/03/presentacion-selo-maruja-mallo-viveiro-2023-1.jpg)
O Concello de Viveiro acolleu a presentación oficial do selo de Correos dedicado a Maruja Mallo dentro da serie Mujeres en el Arte. Correos emite este selo poñendo en valor a figura dunha das maiores expoñentes do cubismo e o surrealismo en España, que formou parte do grupo de mulleres artistas denominado ‘Las Sinsombrero’.
Exemplo de compromiso, rebeldía, transgresión e loita pola igualdade, Correos elixiu a Maruja Mallo para esta colección de #8MTodoElAño, dedicada a figuras emblemáticas na defensa dos dereitos da muller como Clara Campoamor, Isabel Zendal, Almudena Grandes ou Concepción Arenal.
O selo dedicado a Maruja Mallo terá unha tirada da 125.000 obras e tanto o mataselo como o sobre estarán a disposición de todos os interesados na Oficina de Correos de Viveiro. Tamén se pode adquirir a través de Correos Market, contactando co Servicio Filatélico no e-mail atcliente.filatelia@correos.
A subdelegada do Goberno, Isabel Rodríguez, destacou a figura da artista Maruja Mallo, “unha das pintoras do movemento surrealista español máis importantes do século XX”.
Rodríguez participou na presentación do selo dedicado a esta viveirense, enmarcado na serie `Mujeres en el arte´ que visibiliza a mulleres emblemáticas na loita pola igualdade. No acto, tamén participaron a alcaldesa de Viveiro, María Loureiro; o Deputado Provincial, Roberto García; a directora de Filatelia de Correos, Leire Díaz; a concelleira de Cultura, Lara Fernández; e o cronista oficial do municipio, Carlos Nuevo.
![presentacion selo maruja mallo viveiro 2023 2](https://amarinaxa.com/wp-content/uploads/thumbs/2023/03/presentacion-selo-maruja-mallo-viveiro-2023-2-200x104.jpg)
![Sello_MARUJA MALLO_B1M0_HR](https://amarinaxa.com/wp-content/uploads/thumbs/2023/03/Sello_MARUJA-MALLO_B1M0_HR-200x273.jpg)