A VI Edición da Festa da Malla da Pontenova será o día 27
A VI Edición da Festa da Malla, coa que colabora o Concello da Pontenova, terá lugar a carón do Pozo da Ola o sábado 27 de agosto.
Así as vellas tradicións e oficios non se perden grazas aos veciños e que comezarán a xornada, ao mediodía mallando o trigo, e despois haberá diversas actividades como música folclórica, xogos populares e comidas campestres, para despois continuar o traballo durante a tarde.
A sesión vermú estará amenizada polo Dúo Zafiro quen tamén porá a nota musical pola noite. O xantar, que terá un prezo de 20 euros para adultos e 12 para nenos, será a base de lacón, pasta, tenreira asada, sobremesa e café. Hai que recoller nas tendas e negocios colaboradores da cita o tícket co que ir ao xantar.
Cando remate a malla pola tarde, todos poderán desfrutar das canoas para nenos no Pozo da Ola, e tralos pinchos para cear de bolos preñados e lacón, a música pechará a xornada festiva.
