A unidade móbil de inspección técnica de vehículos agrícolas estará en Xove

A unidade móbil de inspección técnica de vehículos estará na vila no mes de outubro

A unidade móbil de inspección técnica de vehículos estará en Xove no mes de outubro, concretamente o día 22. A estación itinerante estará instalada diante do cuartel da Garda Civil co obxectivo de realizar a inspección técnica periódica para os vehículos de todos aqueles veciños e veciñas que así o desexen e queiran achegarse. Para solicitar cita previa hai que chamar ao teléfono 902 309 000 ou a través da web www.sycitv.com. Traballará en horario de 9.00 a 13.30 e de 15.15 a 18.00