A UNED inicia esta semana dúas formacións
A UNED de Lugo ofrece un curso de iniciación ao inglés para o que xa está aberto o prazo de matrícula.
No curso Inglés A1 (Nivel básico) os asistentes iniciaranse na lingua inglesa, adquirindo coñecementos básicos que permitirán acceder a niveis e cursos superiores.
Será impartido por Christina Pereira Pinto, profesora de Inglés.
Realizarase presencial e online, do 18 de abril ao 28 de xuño, de 11:00 a 13:00 horas
Máis información e matrícula neste enlace.
Por outra banda, a semana próxima comeza na UNED de Lugo un curso para coordinadores de benestar e protección educativa.
Esta actividade está deseñada para levar a cabo a implantación da figura do coordinador/a de benestar e protección tal como recolle a Lei 8/2021 de protección integral da infancia e da adolescencia que establece que todos os centros educativos onde cursen estudos persoas menores de idade deben ter esta figura.
Será impartido por Paula Abelleira Sánchez, docente de primaria no CEIP Insua Bermúdez, centro onde é responsable da Unidade de Acompañamento Familiar e Persoal (UACO) da Rede Raogal.
Realizarase online ou presencial, do 17 de abril ao 29 de maio, de 16:30 a 20:30 horas.