A sala multiusos de Viveiro acolle unha exposición fotográfica de Cegasal
A sala multiusos do Concello de Viveiro acollerá ata o vindeiro mércores 27 de xullo a exposición fotográfica Cegasal, una asociación de persoas para as persoas sobre emprego e discapacidade, con imaxes do coruñés Diego Silva.
A inauguración contou esta coa participación da alcaldesa, María Loureiro; o deputado da área de Participación Cidadá da Deputación de Lugo, Roberto García Pernas, e o presidente de Cegasal, José Antonio Vázquez Freire.
Nas súas intervencións, os tres coincidiron na importancia de visibilizar e poñer en valor o traballo das persoas con discapacidade e consideraron que a exposición fotográfica é unha forma excelente de dar a coñecer esta realidade a toda a sociedade.
“É unha tarefa do conxunto da sociedade promover esta cultura empresarial que entenda a diversidade como un activo xerador de valor social e económico”, afirmou María Loureiro.
“Por suposto, aquí as administracións públicas temos moito que dicir tamén. No Concello de Viveiro decidimos poñer en marcha ‘Viveiro Inclúe’, un proxecto para converter o noso municipio nun lugar más accesible para as persoas con diversidade funcional ou algún tipo de discapacidade”, lembrou.
“A inclusión é unha das nosas prioridades de goberno, por iso continuaremos traballando a través de ‘Viveiro Inclúe’ para concienciar á sociedade e transformar Viveiro nun municipio de referencia na inclusión de persoas con diversidade funcional, e por iso tamén son tan importantes exposicións como a que hoxe inauguramos”, rematou a alcaldesa.