A residencia de Xove está a celebrar o mes do Alzhéimer con varias actividades
AMariñaXa
O 21 de setembro é o Día Mundial do Alzhéimer e a Residencia San Bartomeu de Xove quere celebrar con anterioridade este día,
![Residencia San Bartomeu de Xove mes alzheimer 1](https://amarinaxa.com/wp-content/uploads/2022/09/Residencia-San-Bartomeu-de-Xove-mes-alzheimer-1.jpg)
15 sep 2022
O 21 de setembro é o Día Mundial do Alzhéimer e a Residencia San Bartomeu de Xove quere celebrar con anterioridade este día, así, durante esta semana está a acoller unha serie de actos entre os cales destaca o celebrado na praza do Concello de Xove que contou coa asistencia dun grupo de residentes ao que se sumou un numeroso público.
Durante o acto fíxoselle entrega ao Concello dunha árbore Ginko Biloba xunto coa súa placa identificativa. Esta árbore é coñecida como árbore da memoria, xa que ten numerosas propiedades que facilitan a protección neurolóxica, e ten tamén fortes compoñentes antioxidantes.
É importar sinalar que neste acto se pediu seguir investigando esta enfermidade e afondando nas posibles solucións que poida ter.
![Residencia San Bartomeu de Xove mes alzheimer](https://amarinaxa.com/wp-content/uploads/thumbs/2022/09/Residencia-San-Bartomeu-de-Xove-mes-alzheimer-200x104.jpg)
![Residencia San Bartomeu de Xove mes alzheimer 2](https://amarinaxa.com/wp-content/uploads/thumbs/2022/09/Residencia-San-Bartomeu-de-Xove-mes-alzheimer-2-200x104.jpg)