A residencia de maiores e o centro de día de Ribadeo reciben a visita dos Reis Magos
As Maxestades de Oriente visitan a residencia de maiores e o centro de día de Ribadeo. A concelleira de Benestar Social, Elena Sierra, explica que “as súas Maxestades os Reis de Oriente visitan aos nosos maiores. Ás 11 na residencia e ás no centro de día. A todos eles se lles vai facer entrega dun agasallo do Concelllo de Ribadeo. Trátase dun colarín, que poidan empregar nos seus desprazamentos en automóbil ou mentres estáns entados no sofá vendo a tele, por exemplo”.
A edil ribadense engade: “Desta maneira queremos amosarrlles o cariño de Ribadeo a todas as persoas usuarias de ambas instalacións. Ademais este agasallo tamén o recibirán os residentes no Hogar La Villa, de Vilaframil, e no Mirador del Eo, en O Cargadeiro, así como @s usuari@s do SAF. Aproveitamos a ocasión para desexarlles a tod@s el@s e ás traballadoras e traballadores destes centros e do SAF un feliz ano novo”.
Os Reis Magos estarán acompañados pola concelleira de Benestar Social, Elena Sierra, e polo alcalde, Dani Vega.