A Protección Civil da Comarca do Eo, premiada polo seu labor na DANA

Voluntarios galegos e asturianos reciben en Moncada a Cruz ao Mérito Profesional con Distintivo Vermello

A agrupación de Protección Civil da Comarca do Eo, con base en Castropol e composta por voluntarios galegos e asturianos, foi distinguida coa Cruz ao Mérito Profesional con Distintivo Vermello en recoñecemento ao seu labor durante a DANA. A condecoración foi outorgada polo Concello de Moncada (Valencia), que organizou un acto de homenaxe con motivo do Día Internacional de Protección Civil.

O equipo, que se desprazou ata as zonas máis afectadas polas intensas chuvias para prestar apoio en labores de rescate e asistencia, recibiu este galardón xunto con outros grupos de emerxencias. En total, foron recoñecidos nove efectivos da agrupación da Comarca do Eo, así como os dous cans que participaron no operativo.