A primeira ruta guiada de Cervo será por Sargadelos
AMariñaXa
Este verán poderase percorrer e coñecer o Concello de Cervo coas rutas turísticas que preparan para xullo e agosto
![sargadelos cervo fabrica](https://amarinaxa.com/wp-content/uploads/2021/07/sargadelos-cervo-fabrica.jpg)
15 Xul 2021
Esta fin de semana o Concello de Cervo ten programada unha interesante ruta por Sargadelos, con guía turístico, dentro do programa de actividades propostas para este verán.
A actividade está composta por dous percorridos diferenciados que se complementan, así, o sábado xirará ao redor da figura de Antonio Raimudo Ibáñez e a orixe do complexo, e o domingo poñerase en valor a trascendencia da cerámica de Sargadelos nas súas distintas etapas.
Esta actividade será a partir das 17.00 horas e para participar será necesaria a inscrición previa no 691 656 600. É unha actividade gratuíta e conta con prazas limitadas.
O resto das rutas que preparan serán para os días 31 de xullo e 1, 14, 15, 28, 29 de agosto.
![rutas guiadas cervo](https://amarinaxa.com/wp-content/uploads/thumbs/2021/07/rutas-guiadas-cervo-200x283.jpg)