A praza do Concello de Xove acollerá o 22 de xullo a Festa do Percebe
![Festa percebe Xove 2023](https://amarinaxa.com/wp-content/uploads/2023/07/Festa-percebe-Xove-2023.jpg)
A praza do Concello de Xove acollerá o vindeiro 22 de xullo unha nova edición da Festa do Percebe. Esta cita, que chega a súa décima edición, está organizado pola Asociación de Festexos A Medorra e co Concello de Xove.
Os asistentes ao evento, que comeza ás 12.00 horas, poderán degustar este delicioso e apreciado crustáceo mentras a charanga Os Charangos e e unha discoteca móbil amenizan con música en directo a xornada. Ademais o pregón estará a cargo de Basilio Otero, presidente da Federación Nacional de Cofradías de Pescadores.
A festa lévase a cabo na praza do Concello, nunha carpa instalada para a ocasión, e o produto procede das lonxas da zona onde se venden os máis grandes e mellores percebes dos cantís da Mariña e Ortegal.
Esta tradicional cita gastronómica da Mariña fará as delicias dos xovenses e de todas as persoas que visiten o municipio por esas datas. Esta festa gastronómica reparte en cada edición máis de 1.500 racións o que case equivale a catrocentos quilos deste marisco.
![X festa do percebe de xove 2023](https://amarinaxa.com/wp-content/uploads/thumbs/2023/07/X-festa-do-percebe-de-xove-2023-200x282.jpg)