Cultura

A Pontenova lanza unha iniciativa para fomentar a lectura e o debate entre os adultos do municipio

O vindeiro xoves 31 de outubro de 2024, a partir das 20:00 horas, a Biblioteca Municipal "Os Fornos" da Pontenova, situada na Casa da Cultura, acollerá a creación dun novo club de lectura para adultos. Este proxecto busca fomentar o hábito lector entre a poboación adulta do municipio, ofrecendo un espazo de encontro para compartir e debater arredor dos libros.

Os participantes terán a oportunidade de ler e comentar obras de diversos xéneros literarios, nun ambiente distendido e participativo. A iniciativa parte do Concello da Pontenova, que continúa así coa súa aposta por actividades culturais que promovan o acceso á lectura e o enriquecemento persoal a través do intercambio de opinións e ideas.