A Pontenova ponse en movemento coas novas clases de zumba

As sesións celebraranse os luns no Museo do Salmón

A veciñanza de A Pontenova terá unha nova oportunidade para manterse en forma e gozar do baile con ritmo grazas ás clases de zumba organizadas pola Asociación Musical Eco das Minas en colaboración co Concello de A Pontenova.

As sesións desenvolveranse os luns de 18:30 a 19:30 horas no Museo do Salmón, convertendo este espazo nun punto de encontro para os amantes da música e o exercicio.

Para participar, as persoas interesadas poden inscribirse chamando ao 686 920 878. Ademais, as sesións contan co apoio de instrutoras recoñecidas en redes sociais, como Linda Baila y Zumba en YouTube e Rocío Bailayzumba en Instagram.