A Pontenova acolle 'O Nadal da Chocolateira' con actividades para todas as idades
A Pontenova acolle 'O Nadal da Chocolateira' con actividades para todas as idades. Organizado pola asociación musical A Chocolateira, trátase dun programa cheo de actividades culturais e de lecer que se desenvolverá nas festas de Nadal. Do 21 de decembro ao 4 de xaneiro, grandes e pequenos poderán gozar de teatro, obradoiros, ioga e música tradicional.
O 21 de decembro terá lugar o 'Teatro familiar', a compañía Pínconús presentará unha obra de teatro familiar na Casa da Cultura da Pontenova ás 19.00 horas. Unha oportunidade ideal para desfrutar en familia do espírito do Nadal.
O 28 de decembro haberá o 'Obradoiro de acuarela' con Rocío Fernández Paz na Casa das asociacións de 16.30 a 18.30 horas. Esta actividade, dirixida a maiores de 12 anos, ten un custo de 15 euros e require inscrición previa.
O 29 de decembro, Ana Rodríguez guiará unha sesión de ioga interxeracional na Casa das asociacións de 17.00 a 18.00 horas. Esta actividade é de balde e está pensada para nenos e adultos, aínda que os menores deberán asistir acompañados dun adulto. Require inscrición previa.
Para pechar as festas, A Chocolateira organiza un evento de Cantos de Reis, o 4 de xaneiro, a partir das 20.00 horas. Será unha noite máxica de música tradicional para recibir o novo ano.
Para participar nas actividades que requiren inscrición previa, os interesados deben anotarse antes do 27 de decembro ás 18:00 horas chamando aos teléfonos 610 947 738, 653 434 712 ou 659 354 645.