A maxia de Disney chega a Burela co musical teatral familiar de Vaiana
Chega a Burela o musical teatral familiar de Vaiana, inspirado na famosa película de Disney que está a triunfar actualmente nos cines. O espectáculo celebrarase o domingo 22 de decembro ás 17.00 horas na Casa da Cultura de Burela.
Será un tributo, titulado 'La lsla de Maui', e narra a aventura de Vaiana, unha moza curiosa e intrépida que se embarca nunha travesía a través do océano para salvar a súa illa e descubrir o seu verdadeiro destino. Ao longo da viaxe, acompañada do Semideus Maui, afrontará numerosos desafíos que lles ensinarán o valor da amizade, a valentía e a conexión coa natureza.
Cunha vibrante banda sonora e coloridas coreografías, este musical ofrece unha experiencia inesquecible para grandes e pequenos. É unha oportunidade para gozar dunha historia chea de maxia, risas e valiosas leccións sobre amor e identidade.
As entradas xa están á venda. Poden adquirirse de forma física no Bazar de Tere ou a través de internet. Este espectáculo promete ser unha experiencia única e moi especial para toda a familia.