A liga prebenxamín de hockey liña dispútase en Ribadeo
Esta fin de semana, O club de hockey Isla Pancha, organiza en Ribadeo, a competición dos máis pequenos, da liga regular de hockey liña prebenxamin. Disputarase a xornada desta categoría o domingo 24 de novembro desde as 11.00 horas ata as 18.00 horas no Pavillón de Deportes de Ribadeo.
Os Trasnos, equipo local, reciben aos Rollers, aos Tiburóns, aos Lóstregos, as Meigas e aos Brigántiums. Esta será a primeira xornada que acollen, pero ao longo do ano serán sede en máis ocasións entre novembro e maio. Cada sede consta de, entre 7 e 10 partidos, dependendo do numero de equipos que existen por categoría. Este ano, o club Isla Pancha conta con tres categorías na competición autonómica: alevin, benxamin e prebenxamin.
Chegan a Ribadeo, os equipos coruñeses Alquimia (Tiburóns) e Galicia Rollers; desde Arteixo, Brigántiums; e Meigas e Lóstregos de Lugo. Calquera persoa que queira ver aos máis pequenos gozando do hockey poderá achegarse.