A ilustradora Alba Farto imparte un obradoiro de lettering no Valadouro
Alba Farto, ilustradora, impartirá no Valadouro un obradoiro de lettering, técnica tamén coñecida como rotulación, que consiste en debuxar as letras con pincel, tinta ou rotuladores e sentar así as bases para seguir practicando na casa e acabar facendo letras con soltura e creando obra propia. O lettering tamén ten o obxectivo de descubrir o desenvolvemento creativo, ademáis de favorecer a concentración e a relaxación.
Este obradoiro está inserido no programa de dinamización de bibliotecas públicas, Ler Conta Moito e está destinado a nenos e mozos de 5º e 6º de CEIP de Santa María do Valadouro e os catro cursos do IES Alfoz-Valadouro de xeito prioritario. Debuxar Letras desenvólvese o venres 25 de outubro a partir das 18:00 horas na Casa da Cultura do Concello do Valadouro e ten prazas limitadas. Deben inscribirse os interesados no teléfono 982 571 516 ou no correo cultura@valadouro.gal