Actualidade

A Garda Civil desenvolverá un Operativo Especial de Seguridade Vial con motivo da celebración, en Viveiro, do Resurrection Fest, reforzando os servizos encamiñados a detectar todas aquelas condutas que afectan en maior medida á seguridade vial como son o consumo de alcohol e drogas e conducións temerarias.

A Garda Civil desenvolverá un Operativo Especial de Seguridade Vial con motivo da celebración, en Viveiro, do Resurrection Fest, reforzando os servizos encamiñados a detectar todas aquelas condutas que afectan en maior medida á seguridade vial como son o consumo de alcohol e drogas e conducións temerarias.
O dispositivo dará inicio antes da apertura do festival o mércores día 3 de xullo, manténdose activado ata o luns día 08 de xullo, ao día seguinte ao seu finalización.
Controlaranse as principais vías de acceso á localidade de Viveiro (LU540, LU862), as cales soportarán a maior carga de tráfico dos asistentes ao festival, así como aquelas de menor entidade (LUP-6601, LUP-6602, LUP-6606 e LUP6402), as cales serán principalmente utilizadas para efectuar os traxectos de enlace entre os puntos de campamento ou pernoctación e Viveiro.
O Operativo dispoñerá da realización de numerosos puntos de detección de alcohol e drogas, controis de velocidade e vixilancia da circulación mediante vehículos camuflados. Ao mesmo tempo preténdese dar cobertura adecuada a aquelas incidencias que puidesen xurdir con ocasión de todos os desprazamentos que se prevén (accidentes, auxilios, etc).