A escola infantil de Cervo celebra o fin de curso cunha excursión

Foi unha xornada de convivencia na Granxa do Souto, en Mera, na que participaron máis de 100 persoas

Cervo programou unha excursión de fin de curso para as crianzas e as familias da Escola Infantil Municipal. Foi unha xornada de convivencia na Granxa do Souto, en Mera, na que participaron máis de 100 persoas, entre alumnado, docentes e familiares. Todas elas desfrutaron dunha divertida xornada de convivencia.

A comitiva pasou a mañá coñecendo a granxa e aos seus animais e gozou dun xantar ao aire libre. Foi unha xornada moi enriquecedora para todos, nenos, familias e persoal docente; e o mellor broche de ouro para esta tempada da Escola Infantil; un encontro que ademais serviu para fortalecer eses lazos de amizade entre os nenos fóra da súa tradicional contorna; experimentando novas actividades das que gozaron todos moitísimo.