A Escola de Música de Lourenzá acolle o I Festival San Salvador
AMariñaXa
A Escola de Música de Lourenzá acolle o seu I Festival San Salvador esta fin de semana, comezando hoxe ás 21.00 horas
24 sep 2021
A Escola de Música de Lourenzá acolle o seu I Festival San Salvador esta fin de semana, comezando hoxe ás 21.00 horas coa apertura e un concerto do grupo Irmandades da Fala de Vilalba seguido do grupo Os do Val.
O sábado 25 ás 19.00 horas haberá pasarrúas a cargo dos grupos de gaitas Soutoxímaro e Gaitas de Tovar, ambos de Lourenzá.
O domingo 26 a música dará comezo ás 17.00 horas con pasarrúas da Banda de música de Foz e da de Lourenzá, e rematarán cunha actuación conxunta dun pasodobre na praza do Conde Santo baixo a batuta de José M. López, director da banda laurentina.
Ás 19.00 horas será o concerto oficial da banda de Foz no claustro do Mosteiro de San Salvador e ás 20.00 horas da de Lourenzá tamñen no claustro.
