A Escola de Música de Burela celebrará o seu tradicional concerto de final de curso
AMariñaXa
O 22 a Escola Municipal de Música de Burela dentro dos actos programados anualmente celebrará o seu tradicional concerto de final de curso.
20 Jun 2022
O vindeiro mércores 22 de xuño a Escola Municipal de Música de Burela dentro dos actos programados anualmente celebrará o seu tradicional concerto de final de curso.
Un concerto interpretado por diferentes grupos de alumnos, coma o grupo de jazz o grupo de rock, a orquestra de cordas que nesta ocasión interpretará temas de música de cine, e para abrir o concerto contaremos co grupo infantil formado polos alumnos de música e movemento, formación básica e coro infantil.
O concerto terá lugar no Auditorio o mércores 22 de xuño ás 20.00 horas, con entrada de balde.