A documentación recabada nas consultas do Central Hidroeléctrica do Xistral foi entregada á promotora
![eolicos](https://amarinaxa.com/wp-content/uploads/2022/02/eolicos.jpg)
O Ministerio deu traslado da documentación recabada nesta fase de consultas previas á empresa promotora. Chegados a este punto, a empresa tería que correxir o proxecto tendo en conta todo o aportado ou desistir do mesmo.
Segundo a información da que dispón a Plataforma, "entendemos que é moi difícil que este proxecto, ou outro similar, sexa viable".
"Agardamos nos próximos días resposta da empresa promotora e comunicación oficial de que este proxecto finalmente non sei vai levar a cabo, xa que como ben dixo o seu representante publicamente, independentemente dos informes, nunca iría en contra da veciñanza", din dende a plataforma.
E como xa quedou demostrado na manifestación do pasado 13 de marzo, a veciñanza non quere a Central Hidroeléctrica Reversible do Xistral. De todos os xeitos, dende a Plataforma seguen en alerta de calquer movemento que poida sucederse a partires de agora.