A Comisión de Festas de Vegadeo anuncia un sorteo de entradas para a 'Christmas Party 24'
A Comisión de Festas de Vegadeo sorprende aos veciños e seguidores cun emocionante sorteo de 4 entradas para a 'Christmas Party' 24', un evento que contará coa presentación do novo espectáculo dunha das mellores orquestras do país, a París de Noia, acompañada do DJ Alejandro Martínez.
O esperado evento terá lugar o venres 20 de decembro en Vegadeo, e o sorteo está aberto para todos os seguidores do territorio asturgalaico. Os interesados en participar deberán seguir estes pasos sinxelos: dar "me gusta" á publicación oficial e seguir a conta de Instagram da Comisión de Festas (@comision_de_fiestas_vegadeo); compartir a publicación nas historias de Instagram mencionando a conta oficial; e comentar a publicación mencionando a dous amigos por comentario (sen límite de comentarios: canta máis participación, máis posibilidades de gañar).
Informan de que se xa tes a túa entrada comprada, tamén podes participar; no caso de resultar gañador, devolveráselle o importe. O sorteo permanecerá aberto ata o mércores 18 de decembro ás 23.59 horas. Así, o nome do gañador ou gañadora anunciarase o xoves 19 de decembro a través das redes sociais oficiais de Facebook e Instagram da Comisión de Festas de Vegadeo.