Cultura | Axenda

O sábado 26 de marzo ás 20.00 horas na no auditorio da casa de cultura farase a presentación dos traballos de topografía en 3D

O sábado 26 de marzo ás 20.00 horas na no auditorio da casa de cultura farase a presentación dos traballos de topografía en 3D e planimetría completa da Mina Consuelo.

“Levamos traballando máis de dous anos na topografía desa mina para ver cal é o seu desenvolvemento polo interior da montaña na que está situada”, di o técnico municipal de turismo, Carlos Morado. Ata o de agora, levan máis de 3,1 quilómetros de mina topografiados o que a converte xa na segunda cavidade topografiada máis grande de Galicia por detrás da Cova do Rei Cintolo e por diante de Sima Teixeira.