A carreira Milla Urbana e de relevos de Foz será en setembro
AMariñaXa
A carreira Milla Urbana e carreira de relevos de Foz terá lugar o sábado 11 de setembro de 2021 con diferentes categorías
21 Aug 2021
A carreira Milla Urbana e carreira de relevos de Foz terá lugar o sábado 11 de setembro de 2021, a partir das 11.00 da mañá, sobre un circuíto de 150 m para Pícaros, 500 m Benxamíns, 1.000 m Alevíns, 1.500 m Infantís e Cadetes e 1.609,3 m para a competición Absoluta.
A carreira de relebos será pola tarde ás 15.00 horas e ambas terán a súa saída e meta no paseo da Praia Rapadoira.
A recollida de dorsais será de 18.00 horas a 20.00 horas presencialmente o venres na zona de saída e o sábado de 9.00 a 10.30 horas. O prezo de inscripción varía dependendo da data da inscrición e será de 3 euros para pequenos, de 5 a 7 euros a absoluta e de 12 a 15 euros para os relevos.
