A barreirense Sara González, premiada no Certame de Poesía de Nadal da Biblioteca de Lugo

A entrega de premios celebrarase o vindeiro venres 28 de febreiro ás 18:00 horas no salón de actos da Biblioteca Pública de Lugo

A barreirense Sara González Pérez resultou gañadora do segundo premio na categoría B (9-11 anos) do Certame de Poesía de Nadal convocado pola Biblioteca Pública de Lugo. O concurso, que busca fomentar a creatividade literaria entre os máis novos, recibiu numerosas propostas, destacando a calidade dos traballos presentados.

A entrega de premios celebrarase o vindeiro venres 28 de febreiro ás 18:00 horas no salón de actos da Biblioteca Pública de Lugo, nun acto no que se recoñecerá o talento dos participantes e se porá en valor a importancia da poesía como expresión artística.