A Asociación de Veciños Camiño de Galdo presentou o programa da Festa do Entroido
![Entroido Galdo Viveiro 2023 1](https://amarinaxa.com/wp-content/uploads/2023/02/Entroido-Galdo-Viveiro-2023-1-1.jpg)
A Asociación de Veciños Camiño de Galdo presentou o programa da Festa do Entroido que organiza coa colaboración do Concello. A cita na parroquia viveirense ten o seu día grande o 25 de febreiro, xornada na que celebrará o Sábado de Piñata cunha festa que inclúe a actuación do Grupo Folixa de Asturias.
Dende as 22.30 horas comezará unha festa de entrada libre na que non faltarán os concursos de disfraces tanto individuais, como por parellas e grupos, así como as lambetadas e doces propios desta época de entroido.
Tamén en San Pedro celebrarán o sábado 18 unha festa de Antroido a partir das 21.00 horas con baile a cargo do dúo Caramelo. Contarán con pinchos e premios para os mellores disfraces.
Esta cita está organizada pola asociación Fontes Claras.