A asociación de montes veciñais Santa María de Burela organiza unha charla informativa
A asociación de montes veciñais de man común Santa María de Burela organizará o vindeiro xoves, día 7, unha charla informativa na que participará Inés Santé Riveira, Directora xeral de Desenvolvemento Rural da Xunta de Galicia, e onde se falará da recuperación da terra agraria e do sector forestal.
Esta iniciativa terá lugar no Salón Municipal de Conferencias (antiga biblioteca) a partir das 19:00h e a asistencia é aberta ao público en xeral.
Dende a Asociación de Montes de Burela animamos a todos os veciños do concello e do resto da Mariña a que acudan a esta xornada, agardando que serva para coñecer as distintas particularidades da nova Lei de Recuperación da Terra Agraria de Galicia, así coma as posibilidades de desenvolvemento para o noso monte.
