A Asociación de Irmandade Ribadeo-Loktudi prepara a súa viaxe a esa vila da Bretaña
A Asociación de Irmandade Ribadeo-Loktudi ven de reunirse para preparar a súa viaxe a esa vila da Bretaña francesa desde o día 1 ao 9 do mes de xullo.
A viaxe de ida será os días 1 e 2, con parada para durmir en hotel, e visitas ás localidades de Mutriku, Castets e La Roche-Bernard. A estancia en Loktudi comprenderá os días 2, 3, 4, 5 e 7. Os días 8 e 9, corresponderán á viaxe de volta, con parada para durmir e visitas ás localidades de La Rochelle, Hondarribia e Santillana del Mar.
Durante o seu tempo en Loktudi aluxaranse nas casas das súas familias de acollida, e desfrutarán das diversas actividades que lles están preparando a súa asociación, con visitas a localidades e puntos de interese próximos, aos que se unirá este ano a visita á Côte de Granit Rose.
Invitamos a todas as persoas interesadas en recibir información a contactar coa Asociación de Irmandade Ribadeo-Loktudi, chamando ao teléfono 629 47 52 99 ou enviando un correo electrónico a irmandade.ribadeo@gmail.com