A asociación CCHV, Prato-Do e Cines Viveiro suman forzas
A Asociación de Comerciantes Centro Histórico de Viveiro e a Asociación Prato-Do poñen en marcha de novo unha campaña de colaboración con Cines Viveiro. Unha colaboración que xa ven sendo habitual e. trala boa acollida entre o público que tivo esta promoción nas anteriores edicións, ponse de novo en marcha, pero con novidades có fin de mellorar a actividade o máximo posible.
O obxectivo segue a ser o de poñer en valor o cine, e achegar a cultura cinematográfica ós mais novos, pero sempre desfrutando dende unha butaca de sala de cine e nunha gran pantalla. Por este motivo, o CCHV, a Asociación Prato-Do e Cines Viveiro continúan a sumar forzas para acadar a visibilidade que merece o esforzo que conleva ter películas de primeira, estreos ó mesmo tempo que no resto do territorio nacional, nun cine local.
Serán vales desconto de 2 euros para poder ver, nesta ocasión 3 películas de animación e aventuras a elixir cada fin de semana: O sábado 9 e domingo 10 poderán escoller entre Tansformers One, RobotSalvaje e Shin Chan El Superhéroe, e o fin de semana seguinte a escoller entre estas dúas últimas.
En aras de seguir mellorando a experiencia, vaise poñer en marcha a promoción unha fin de semana para Viveiro e outra fin de semana para a Mariña Occidental. Polo que haberá vales tanto para o 9 e 10 como para o 16 e 17 de novembro. Na primeira fin de semana poderanse beneficiarse os nenos dos colexios de Viveiro e na seguinte fin de semana serán os nenos dos colexios da mariña occidental.
Para a primeira fin de semana os vales serán entregados nos colexios de Viveiro, CEIP de Celeiro, CEIP Landro, EEI San Roque, CEIP Plurilingüe Santa Rita de Galdo, CEIP Plurilingüe de Covas e o CEP Lois Tobío, e na segunda fin de semana entregaranse nos colexios de O Vicedo, Xove, Cervo e Burela, chegando así a outros colexios da comarca. É importante recalcar que é necesario entregar o vale físico en taquilla para que se poida aplicar a promoción.
Se acode un núcleo familiar e os rapaces entregan os vales, tamén se lles aplicará o desconto ó resto de membros desa unida de familiar. Así pois, o desconto será directo ó presentar o vale en taquilla, pero tamén se pode canxear previamente ó comprar a entrada online en www.cinesviveiro.com cas indicacións que figuran no propio vale, este sistema é moi rápido e sinxelo e garantiza que xa tes o teu sitio reservado ó chegar, aínda que no momento de entrar non exime de entregar igualmente o vale na entrada.
O aforo é limitado e por iso se recomenda o sistema de sacar a entrada online. Igualmente, o cine abrirá as súas portas 30 minutos antes do inicio da sesión para que a xente poida ir con tempo e así intentar evitar as esperas. O cine está en funcionamento con películas tódalas fins de semana, estreas aquí ó ladiño da casa e que se pode aproveitar para vivir “experiencias” xunto ós nosos. Apostan por crear sinerxías entre sectores e axudar á recuperación do sector audiovisual. O éxito das pasadas convocatorias fai que repitan novamente esta colaboración a 3 bandas e extendela por outras poboacións da comarca.