A Asociación Camiña organiza xornadas de lecer inclusivo en Semana Santa
A Asociación Camiña impulsa unhas xornadas de lecer inclusivo durante as vacacións de Semana Santa, que se desenvolverán os días 14, 15, 16 e 21 de abril en horario de 10:00 a 14:00 horas. Como novidade este ano, incorporarase un servizo de madrugadores, pensado para apoiar ás familias que precisen conciliar nestas datas.
As actividades están abertas a toda a infancia, aínda que terán prioridade os nenos e nenas de entre 3 e 10 anos con diversidade funcional. Durante as sesións, os pequenos poderán gozar de obradoiros de manualidades, xogos, cociña e outras propostas nun espazo inclusivo, adaptado ás súas necesidades.
O prazo de inscrición permanecerá aberto ata o 9 de abril e as prazas son limitadas. As persoas interesadas poden contactar coa Asociación Camiña a través do teléfono 982 580 423 (de luns a xoves, de 15:30 a 21:00 horas) ou mediante as súas redes sociais.