A alcaldesa de Viveiro denuncia que o PP non se acordou de Viveiro durante as riadas e agora visita a vila en eleccións prometendo un museo para a Semana Santa
A Vicesecretaria de Relacións Institucionais do PSOE Provincial e Alcaldesa de Viveiro, María Loureiro, lamentou este luns que “o Presidente da Xunta de Galicia, a Presidenta do Parlamento e o Deputado do PP pola provincia de Lugo só se acorden de Viveiro en campaña electoral e non viñeran, ningún de eles, cando sufrimos a riada no barrio de Xunqueira. Paréceme ben que veñan á Semana Santa de Viveiro pero tamén quero que veñan cando os necesitamos, pero por desgraza iso non pasa, só veñen a sacarse a foto”.
“É lamentable que durante esta semana desfilaran polo Concello varios cargos do Partido Popular, facendo o paripé co candidato do PP á alcaldía, pedindo un museo para Semana Santa. Non o digo pola proposta, pois todo o que sexa potenciar unha das sinais de identidade de Viveiro como é a Semana Santa paréceme estupendo. O digo porque non tiveron a dignidade de vir nin un día a Xunqueira a ver como estaban as máis de 40 familias afectadas pola catástrofe. Feijóo mandou á Conselleira de Infraestruturas porque debía de ter cousas máis importantes que atender”.
María Loureiro denunciou que “todos eles, incluído Jaime de Olano, son conscientes da situación na que está o barrio e que aínda queda moito traballo para recuperar a totalidade da zona. E o saben porque convoquei unha Comisión Informativa no Concello, na que estaban representantes do PP, para trasladarlles o informe hidrográfico que nos chegou de Augas de Galicia no que se nos esixe tomar medidas e reconstruír a zona cun orzamento de 500.000 euros, achegando esa cantidade entre Concello e Deputación. É dicir, nos din que os viveirenses nos busquemos a vida porque eles non van a colaborar economicamente. Unha vez máis o Partido Popular na Xunta de Galicia nin está nin se lle espera”.
“Agardamos que a próxima vez que veñan a Viveiro teñan a decencia de pasarse por Xunqueira e falen cos veciños afectados. A ver si así se dan conta de que fan falta novos investimentos do goberno galego e menos fotos de políticos”.