A 39ª Feira de Artesanía de Viveiro celebrarase os días 11 e 20 de agosto
![mostra artesania viveiro 2023 agosto](https://amarinaxa.com/wp-content/uploads/2023/08/mostra-artesania-viveiro-2023-agosto-1.jpg)
O Concello de Viveiro acolleu a presentación da 39ª Feira de Artesanía, que se celebrará nos xardíns Noriega Varela entre os días 11 e 20 de agosto.
A feira, organizada polo Concello de Viveiro e a asociación PROA, terá este ano máis de 35 stands e a presenza de numerosos profesionais da artesanía. O deseño do cartel é de Ruth Adrio.
Como o ano pasado, este ano haberá stands efímeros, no que algúns días haberá artesanos e outros obradoiros ou demostracións do oficio.
Dentro dos efímeros, Lía B estará os días 11 e 12 de agosto; Bilbiricoca, o día 13; Como pez en el agua, os días 14 e 15; Qué barbaridad!, os días 16 e 17; Soledad Mato, o venres 18, e Mado Artesanía Textil, os días 19 e 20.
“Unha referencia no sector, unha feira que destaca pola calidade e a variedade da artesanía, polo que estou convencida de que será de novo un éxito”, afirma a alcaldesa de Viveiro, María Loureiro.
![mostra artesania viveiro 2023 agosto](https://amarinaxa.com/wp-content/uploads/thumbs/2023/08/mostra-artesania-viveiro-2023-agosto-200x282.jpg)