24 núcleos do Valadouro contarán con banda ancha
![banda ancha_valadouro](https://amarinaxa.com/wp-content/uploads/2021/02/banda-ancha_valadouro.jpg)
O Programa de Extensión de Banda Ancha que impulsa o Ministerio de Asuntos Económicos y Transformación Digital e conta con financiamento do Fondo Europeo de Desenvolvemento Rexional (FEDER) mellorará a cobertura de Internet en 24 núcleos de poboación no Concello do Valadouro.
Concretamente referirase aos núcleos de A Amarela, Zaragoza, Os Casás, Escourido, Pereiros, Pradia, A Pena, A Cazcalleira, O Solloso, A Rexedoira, A Granda, Vilares, A Pena, A Muxueira, As Laranxeiras, O Pazo, Trasmil, Albares, Bermún, A Cabanela, Cendemil, Suaigrexa, O Vilarao e A Arnela.
As axudas públicas do Programa PEBA- NGA van destinadas a apoiar o esforzo investidor dos operadores privados, co obxectivo de estender o despregamento das redes de banda ancha de moi alta velocidade (máis de 100 Mbps) ás zonas máis rurais e de menor densidade de poboación, onde existe un fallo de mercado, sendo por tanto este programa un instrumento crave para pechar a fenda dixital xeográfica, facer fronte ao reto demográfico e construír unha sociedade máis inclusiva.
De 2013 a 2019 as axudas dirixíronse exclusivamente ás zonas que carecían de cobertura NGA e de plans para a súa dotación nun prazo de 3 anos (zonas brancas NGA). A partir de 2020, as axudas dirixiranse tamén ás zonas que teñan unha cobertura NGA deficiente, entendida como a proporcionada ou prevista por un só operador (zonas grises NGA) a velocidade inferior aos 100 Mbps.
Coas axudas concedidas ata 2019 e unha vez finalicen os proxectos con axudas concedidas nas últimas convocatorias, a cobertura de acceso a banda ancha de máis de 100 Mbps situarase por riba do 91% da cidadanía.